Viðskiptaáætlun fyrir Sólargeislann ehf. Viðskiptatækifæri tengd aukinni áherslu á sjálfsrækt

Ritgerð þessi er viðskiptaáætlun fyrir starfsemi einkahlutafélagsins Sólargeislans ehf. Viðskiptaáætlunin snýr fyrst og fremst að fyrstu vöru félagsins, einstaklingsspilinu ME box en félagið Sólargeislinn ehf. verður stofnað til þess að halda utan um útgáfu spilsins. ME box er einstaklingsspil sem inniheldur eitt verkefni á viku í heilt ár. Verkefnin hafa það markmið að aðstoða þátttakendur við sjálfsrækt og leiða þá í gegnum vegferð þeirra í átt að jákvæðara lífsviðhorfi og þar með vonandi aukinni lífshamingju. Auk viðskiptaáætlarinnar er í ritgerðinni fjallað um jákvæðar afleiðingar sjálfsumhyggju og aukna umræðu um sjálfsumhyggju og sjálfsrækt. Gerð er grein fyrir vörunni sjálfri, markaðsumhverfinu, samkeppnisaðilum, markaðsáætlun, félaginu og hluthöfum þess, framtíðaráformum og framkvæmdaáætlun verkefnisins. Loks er fjallað um fjármögnun fyrirtækisins og ítarleg fjárhagsáætlun til þriggja ára sett fram. Samhliða ritgerðarskrifunum hefur höfundur sinnt vöruþróun viðskiptahugmyndarinnar og fylgt framkvæmdaáætlun verkefnisins en markmiðið er að gefa út fyrstu útgáfu spilsins í lok sumars 2020. Ljóst er að tækifærin eru til staðar, töluverður markaður er fyrir hendi hér á landi fyrir vöru af þessu tagi og niðurstaða fjárhagsáætlunarinnar gefur jákvæðar vísbendingar