Störf þroskaþjálfa í grunnskólum

Þessi ritgerð fjallar um störf þroskaþjálfa í íslenskum grunnskólum. Ritgerðin skiptist í fræðilega úttekt og eigindlega rannsókn sem byggir á viðtölum við fimm þroskaþjálfa sem allir vinna í grunnskólum. Allir búa þeir yfir mislangri starfsreynslu á því skólastigi. Markmið ritgerðinnar er að fjalla um stöðu og hlutverk þroskaþjálfa innan grunnskólanna, með áherslu á að skoða hvernig sérþekking þeirra nýtist í starfi. Jafnframt var horft til þeirra áskoranna er þeir mæta í sínum störfum og hvernig þeir geta nýtt sér þær sem sóknarfæri í sinni starfsþróun. Í niðurstöðum kom fram að þroskaþjálfar líta svo á að borin sé virðing fyrir störfum þeirra en jafnframt finnst þeim að viðhorf annarra stétta sé ekki nægilega móttækilegt fyrir margbreytileikanum. Því er það stór partur af störfum þroskaþjálfa að gæta réttinda nemenda og að gæta hagsmuna þeirra. Viðmælendur mínir voru sammála um að ekki gæti sameiginlegs skilnings á hugtakinu skóli án aðgreiningar þó að það hafi verið áberandi í umræðunni á síðustu árum, því væri framkvæmdinni sé ábótavant. Þroskaþjálfar eru ung fagstétt í grunnskólum og eru þeir enn að ryðja sér til rúms á þeim starfsvettvangi. Allir viðmælendur mínir vilja sjá fleiri þroskaþjálfa að störfum í grunnskólum. Það má draga þá ályktun út frá niðurstöðum að starf þroskaþjálfa sé mikilvægt innan grunnskólanna og að þeirra sérþekking og hugmyndafræði samræmist vel stefnunni um skóla án aðgreiningar og leiðum við framkvæmd hennar