Tvígreining, félagslegur vandi og meðferðarúrræði

Tvígreining þýðir að einstaklingur sé greindur með tvo sjúkdóma samtímis. Í þessari ritgerð merkir tvígreining að einstaklingur sé greindur með alvarlegan geðsjúkdóm og vímuefnaröskun. Þessir sjúkdómar eru mjög tengdir og hafa komið fram ýmsar kenningar um hvernig þeirri tengingu er háttað. Í þessari ritgerð leitast höfundur við að svara rannsóknarspurningunum: Hvaða áhrif hefur tvígreining á félagslegar aðstæður einstaklinga? Og hvaða meðferðarúrræði hafa borið mestan árangur fyrir einstaklinga með tvígreiningu? Markmið ritgerðarinnar er að svara þessum spurningum með því að skoða ritrýnt efni um tengsl þessara sjúkdóma. Tvígreining er vangreindur sjúkdómur en slík vangreining getur valdið því að einstaklingar sem fá ekki rétta greiningu fái ónóga þjónustu innan heilbrigðiskerfisins. Niðurstöður ritgerðarinnar benda til þess að tvígreindir einstaklingar upplifi oft mikinn félagslegan vanda. Félagslegar aðstæður þeirra verða því fyrir miklum áhrifum af sjúkdómnum en rannsóknir benda til að tengsl við aðstandendur geti til dæmis minnkað. Einnig kom í ljós að árangursríkasti meðferðarmöguleiki fyrir einstaklinga greinda með tvígreiningu er samþætt meðferð. Með samþættri meðferð er veitt meðferð við báðum sjúkdómunum samtímis, innan sömu stofnunar