Sálmurinn og smáfólkið: Um Sálminn um blómið sem barnabók

Ritgerð þessi er lögð fram til BA-prófs í íslensku á Hugvísindasviði Háskóla Íslands. Umfjöllunarefni hennar er bókin Sálmurinn um blómið eftir Þórberg Þórðarson og tengsl hennar við barnabókmenntir og krossunarlestur. Í fyrsta hluta ritgerðarinnar er farið snögglega yfir Sálminn um blómið, efnivið bókarinnar og tilurð. Þá er gefið stutt æviágripi um Þórberg og fjallað um sjálfsmyndirnar sem hann dregur upp af sér í verkum sínum. Því næst er stiklað á stóru í barnabókmenntasögunni til að gera grein fyrir umhverfinu sem Sálmurinn kom út í og verkið borið saman við Nonna-bækur Jóns Sveinssonar til að sýna fram á líkindi þess við sjálfsævisögulegar barnabækur. Í seinni hluta ritgerðarinnar er rætt um stílbrögð og einkenni barnabókmennta og kannað hvort það megi greina þau í Sálminum um blómið. Að lokum er kenningin um krossun kynnt til sögunnar og hún nýtt til að skoða verk Þórbergs. Fræðiefni er kynnt í bland við greiningu og ályktanir höfundar en ritgerðinni lýkur á samantekt og vísbendingum um að Sálmurinn um blómið hafi hugsanlega verið ætlaður börnum og lesinn fyrir þau allt frá upphafi