Þangað sem hugurinn leiðir : heimspeki með börnum og könnunaraðferðin

Þessi ritgerð er lokaverkefni til B.Ed. gráðu í leikskólakennarafræðum við Menntavísindasvið Háskóla Íslands. Henni er ætlað að veita innsýn inn í heimspekistarf með börnum á leikskólaaldri, könnunaraðferðina og það sem þessar tvær kennsluaðferðir eiga sameiginlegt. Heimspeki með börnum sem kennsluaðferð á leikskólastigi er kynnt, farið er yfir ávinning hennar og hvernig eigi að bera sig að í heimspekilegri samræðu með ungum börnum. Farið er yfir hversu gjöful kennsluaðferð könnunaraðferðin getur verið og fjallað verður um kosti þess að samnýta hana með heimspeki með börnum. Heimspeki með börnum felur það í sér að efla getu nemenda við að beita hugsun sinni á gagnrýninn og skapandi hátt sem getur nýst börnum í því að takast á við ýmis vandamál og ráðgátur sem þau standa frammi fyrir í námi og daglegu lífi. Könnunaraðferðin er náms- og kennsluaðgerð sem byggir á þeirri hugmynd að virkni og áhugi barna sé í fyrirrúmi. Með könnunaraðferðinni vinna börn með ákveðið viðfangsefni hverju sinni þar sem þau leitast við að fræðast umfram það sem þau vita nú þegar um viðfangsefnið. Námsmarkmið könnunaraðferðarinnar felast í því að auka þekkingu barna, efla færni þeirra og ýta undir gagnrýna og skapandi hugsun