Þrekpróf fyrir starfsnám mennta- og starfsþróunarseturs lögreglu : mat á núverandi þrekprófi með tilliti til kynja

Rannsókn þessi er unnin í samvinnu við mennta- og starfsþróunarsetur lögreglu (MSL) og er byggð á fyrirliggjandi gögnum frá þeim. Markmið rannsóknarinnar er að meta núverandi þrekpróf fyrir starfsnám í lögreglufræðum með tilliti til kynja. Gerður var samanburður á niðurstöðum þeirra sem fóru í gegnum alla þætti þrekprófsins. Niðurstöður rannsóknarinnar sýna fram á að karlar séu að koma almennt betur út úr prófunum en konur. Þrátt fyrir það eru konur að fá betri einkunnir en karlar í tveimur af fimm þáttum sem teknir eru fyrir. Út frá samanburðinum má álykta að endurskoða þurfi að minnsta kosti tvo þætti þrekprófsins, hraðaprófið (áttuhlaup) og langstökk án atrennu. Lykilhugtök: Þrekpróf, starfsnám, lögregla, kynjamunur, líkamlegar kröfu