Samstarf leik- og grunnskóla í Innri Njarðvík

Markmið þessara rannsóknar var að skoða samstarf leik- og grunnskóla í Innri Njarðvík. Þar starfa leikskólarnir Akur og Holt sem eru heimaleikskólar og síðan er grunnskólinn Akurskóli. Rannsóknin var eigindleg rannsókn og voru þátttakendur leikskólakennarar sem vinna í leikskóla með elstu deild. Þar svöruðu fimm leikskólakennarar könnuninni og síðan grunnskólakennarar 1. bekkjar. Þar voru tveir kennarar sem svöruðu könnuninni. Spurningarnar sem leitað var svara við voru hvernig samstarfi á milli skólastiga væri háttað? Einnig var leitað eftir hvert viðhorf kennara sem starfa á mörkum skólastiganna væru til samstarfs og samfellu í námi nemenda. Helstu niðurstöður voru að mikilvægt er að hafa samstarf milli skólastiga, leikog grunnskóla. Kennarar telja að gott samstarf sé á milli heimaleikskólanna og Akurskóla og ávallt sé verið að betrumbæta samstarfið á milli skólastiga. Þó er misjafnt hvort eða hvernig kennarar beggja skólastiga vinna með eða koma að samstarfinu. Aðkoman fer eftir persónulegum skoðunum þeirra. Leikskólakennarar telja einnig mikilvægt að það sé gott samstarf á milli foreldra og leikskólans en það megi vera meira