Stefnumótun ferðaþjónustu á Íslandi. Hafa spár gengið eftir?

Sjávarútvegur hefur lengi verið stærsta og mikilvægasta atvinnugrein Íslands. Með auknum samgöngum og tæknivæðingu í heimi fóru erlendir ferðamenn að streyma til Íslands með þeim tilgangi að skoða þá einstöku náttúru sem landið hefur upp á að bjóða og kynnast menningu þjóðarinnar. Um aldamótin hefur ferðaþjónusta tekið við sem stærsta atvinnugrein landsins og skilar hún gífurlegum tekjum til ríkisins á ári hverju. Stjórnun og stefnumótun í atvinnugreininni eru þýðingarmikil til að viðhalda þeirri arðbærni og efnahagsáhrifum sem greinin hefur á efnahagslega stöðu landsins í heild. Hið opinbera gaf út bækling um stefnumótun í ferðaþjónustu árið 1996. Ekki hefur verið gefin út svipuð áætlun af hinu opinbera síðan þá en áhugavert er að skoða hvort spár og töluleg markmið síðan fyrir aldamót hafa gengið eftir. Í verkefninu var leitast við að greina þætti PESTEL greiningar og áhrif sem þeir geta haft á atvinnugreinina. Einnig voru áhrif COVID 19 faraldursins á ferðaþjónustuna á Íslandi skoðuð