Effects of Direct Instruction and precision teaching on the reading skills of a 13 year old bilingual girl with a reading problem

Stýrð kennsla Engelmanns (e. Direct Instruction) og fimiþjálfun (e. Precision Teaching) eru raunprófaðar kennsluaðferðir sem gagnast vel fyrir lestrarkennslu og þá sérstaklega ef um lestrarörðugleika er að ræða. Í stýrðri kennslu er notað handrit og er kennslan vandlega skipulögð, nákvæm og skýr. Hún er hröð þar sem athygli nemanda er haldið í hámarki. Lykilatriði kennslunnar er sýnikennsla, virkjun nemanda í námi, endurgjöf á frammistöðu, styrking réttrar svörunar og leiðrétting við ranga svörun. Fimiþjálfun er oft notuð samhliða stýrðri kennslu líkt og matstæki á framfarir nemanda og skilvirkni kennslunnar. Þar er lögð áhersla á að byggja upp tíðni réttrar svörunar á mínútu þar sem aukin tíðni bendir til þess að fimi hafi náðst. Markmið rannsóknarinnar var að kanna áhrif stýrðrar kennslu og fimiþjálfunar á færni 13 ára tvítyngdrar stúlku með lestrarörðugleika í hljóðun bókstafa og lestur orða og orðleysa. Niðurstöður sýndu fram á árangur stýrðrar kennslu samhliða fimiþjálfun í að auka lestrarfærni þátttakandans, sem styður ágæti þessara kennsluaðferða