Widersprüche zwischen gesetzlich festgelegten Sprachgrenzen und der Sprachpraxis

Quest artitgel descriva tge che capita cun il cunfin linguistic tar fusiuns communalas da vischnancas cun differentas linguas uffizialas. Per garantir il princip territorial vegnan ils cunfins linguistics mantegnids e las vischnancas fusiunadas introduceschan duas linguas uffizialas. I sa mussa però gia avant las fusiuns ch’i dat divergenzas tranter las regulaziuns davart linguas fixadas en leschas ed ordinaziuns e la pratica da linguas en vischnancas rumantschas. Vischnancas fusiunadas han da cumbatter cun las medemas sfidas fixond il rumantsch ed il tudestg sco linguas uffizialas. Il tudestg ha en il Grischun in prestige enorm, uschia che la gronda part dals Rumantschs han suenter scolaziuns, furmaziuns e pratica da lavur per il pli meglras enconuschientschas dal tudestg che dal rumantsch. Tudestg è era la lingua franca che vegn discurrida cun glieud vegnida en il territori rumantsch ed en la politica chantunala. Senza tudestg na vai betg, ma blers Rumantschs s’engaschan per ch’il rumantsch na svaneschia betg or da la vita publica