Pronostiko txarreko azaleko kartzinoma epidermoidea. Arrisku faktoreen ikerketa Gurutzetako Unibertsitate Ospitalean

[EUS] Literaturan azaleko kartzinoma epidermoidearen pronostiko txarra baldintzatu dezaketen arrisku faktoreak (klinikoak, histopatologikoak eta molekularrak) zein diren aztertu dira. Ondoren, Gurutzetako Unibertsitate Ospitaleko pazienteetan zein faktore agertzen diren eta hauek ponostiko txarreko gertakarekin (errezidiba, gongoil zein urrutiko metastasia eta heriotza) duten harremana ikertu da. Aztergai izan den laginean arrisku faktore ugari behatu dira, baina faktore eta gertakarien arteko harremana zenbaitetan ez da oso adierazgarria suertatu. Hala ere, azaleko zelula ezkatatsuen pronostikoa baldintzatu dezaketen arrisku faktoreen existentzia argi dago, horregatik etorkizunera begira,kasu hauen pronostikoa aldatuko duten estadifikazio sistema egoki eta erregimen terapeutiko eraginkorren beharra sumatzen da