Jafnlaunastaðall. Leiðin að lögbindingu

Tilgangur þessarar ritgerðar er að skoða tildrög jafnlaunastaðalsins, ÍST 85/2012, frá því hans var fyrst getið í lögum árið 2008 og fram til dagsins í dag. Til að fá fram skýra mynd af stöðu kynjanna á vinnumarkaði og af kynbundnum launamun verður rýnt í kenningar og hugtök um kynjakerfið. Kynbundinn launamunur verður tekinn sérstaklega fyrir, skoðaðar verða rannsóknir sem varpa frekara ljósi á orsök hans, og farið verður í gegnum kynbundinn launamun á Íslandi. Skoðað verður til hvaða ráða var gripið með löggjöf áður en lögbinding staðalsins varð að veruleika og einnig verður mögulegum áhrifum staðalsins á kynbundinn launamun varpað fram. Að lokum verður rýnt í umræðu sem átti sér stað á Alþingi þegar núverandi jafnréttislög voru til umræðu, sem og umræðu sem átti sér stað þegar frumvarp um lögbindingu staðalsins var tekið fyrir. Stuðst verður við femíníska orðræðugreiningu á ofangreindum gögnum