Aldapebeitia Musika Eskola. Elorrio (Bizkaia)

Aldapebeitia jauregia gaur egun hutsik dagoen eraikin publiko bat da. Bertan proiektua kokatzea erabaki da. Daukan balio historikoaz gain, herriarentzako ere balio berezi bat duelako. Bertan, udaletxea, osasun zentroan eta gaztetxea egon dira zenbait urtez, eta horregatik lotura berezia dauka herritarrekin. Eraikin honi proposatzen zaion erabilera Musika Eskolarena da. Gaur egungo musika eskolak haur eskola piblikoko eraikinaren zati bat hartzen du, eta haur eskolaren beharrak direla eta, txiki geratu denez, asmoa musika eskola bertatik kendu eta eraikin osoa aprobetxatu ahal izatea da. Beraz, musika eskolaren kokagune berria herriaren erdigunetik gertu egotea proposatzen da. Proiektu hau zahar berritze bat izateaz gain, eraikin berri baten gehikuntza proposamena ere bada. Esku-hartzearen nundik norakoak ezagutzeko, lehenik eta behin betan erabiliko diren estrategiak planteatu dira, programari oso lotuak joango direnak: · ALDAPEBEITIA JAUREGIAREN ZAHARBERRITZEA: eskala domestikoa duten jarduerentzako espazioa. · JAUREGIAREN SOTOAREN GEHIKETA: eskala handiagoa behar duten jarduerentzako espazioa + kanpo espazioa. · BOLUMEN BERRIA: eskala handiagoa duten jarduerentzako espazioa + bi bolumenen arteko komunikazio espazioa. Aldapebeitia Musika Eskolari eman nahi izan zaion irudia, aurrexistentziaren eta berria denaren arteko kontrastea da. Materialekin eta honen dentsitateekin jolastuz hain zuzen ere. Harriak duen presentzia eta gogortasuna, beiraren gardentasun eta ahuskortasuraren pare jarri nahi izan dira. Beiraren erabilerari etekin gehiago ateratzeko asmoz, u-glass motako fatxadak bi orrien artean duen aire ganberan argia jartzeko aprobetxatu da