Stofnun fjölmiðils: viðskiptaáætlun

Fréttamiðlar sitja orðið undir stöðugum árásum þar sem reynt er að draga úr trausti almennings til þeirra auk þess sem oft er reynt að afvegaleiða fréttaumræðu. Því er það enn mikilvægara en áður að miðla því til almennings hvernig fréttir komu til, við hverja var rætt, hvaða gagna var aflað o.s.frv. – sem sagt að efla traust almennings á fréttaflutningnum. Það yrði gert með því að hafa gegnsæi að leiðarljósi hvernig fréttirnar voru unnar, til hvaða heimilda og/eða heimildarmanna var leitað til, hvort var reynt að staðreyna fréttirnar og síðast en ekki síst hverjir myndu græða á hverju því sem fréttaflutningur fjallaði um hverju sinni, en það er ekki oft sem alþjóðlegir fjölmiðlar greina frá þessu. Markmiðið er að kanna hvort grundvöllur sé fyrir slíku fjölmiðlafyrirtæki og væru helstu markaðssvæði fyrirtækisins Bretland og Bandaríkin fyrst um sinn, en þar sem internetið er alþjóðamiðill þá má sterklega búast við því að lesendur væru um allan heim. Fræðilegi hluti ritgerðarinnar fjallar um markaðsgreiningu og svo þróun og eðli markaðar. Auk þess er fjallað um fimm krafta líkan Porters og gerðar eru SVÓT og PEST greiningar. Þá er fjallað um samkeppnisaðila og einnig helstu samstarfsaðila sem kæmu til greina. Jafnframt er rekstraráætlun gerð sem sýnir tap fyrstu mánuðina fyrsta árið en snerist svo í hagnað, rekstraráætlun fyrstu þriggja áranna sýnir svo vaxandi hagnað ár frá ári, stofnkostnaðaráætlun greinir frá tiltölulega litlum kostnaði og sjóðsstreymisáætlun er áætluð og samkvæmt henni vex handbæra féð ár frá ári