Right Wing Populism in Hungary: Fidesz' Anti-Immigration Policy

Í Ungverjalandi hefur stjórnarflokkurinn Fidesz verið við völd síðan árið 2010 og hefur stjórnartíð hans einkennst af mikilli öfga hægristefnu sem sjá má bæði í lagabreytingum sem og í orðræðu flokksins. Ýmsar lagabreytingar hafa verið gerðar sem gera flótta- og farandfólki erfiðara fyrir að setjast að í Ungverjalandi. Auk þess hefur flokkurinn staðið fyrir margvíslegum áróðursherferðum sem kynda undir ótta og vantrausti í garð þessa hóps. Þessi ritgerð skoðar einkenni þjóðernispopúlisma í stefnu og athöfnum Fidesz þegar kemur að málefnum flótta- og farandfólks en auk þess eru einkenni popúlisma og skautunar (e. polarization) skoðuð til að dýpka hið fyrrnefnda hugtak. Sérstaklega eru skoðaðar lagabreytingar sem gerðar hafa verið í stjórnartíð Fidesz auk innflytjendastefnu flokksins og þá eru tekin tekin dæmi um þær herferðir og þann hatursáróður sem flokkurinn hefur staðið fyrir. Ritgerð þessi er heimildaritgerð og notast við bæði fræðilegar heimildir, opinber gögn og fréttagreinar. Niðurstaða ritgerðarinnar er sú að stefna og starfsemi Fidesz einkennist af öllum þremur atriðum þjóðernispopúlisma, þar sem bæði kjarnahugtök popúlismans auk annarra popúlískra einkenna, svo sem skautun, eiga vel við flokkinn sem og öll helstu einkenni þjóðernispopúlisma. Þá eru jafnframt öll helstu einkenni popúlisma, sem passa við Fidesz, byggð á mótstöðu og andúð flokksins í garð flótta- og farandfólks sem og þeirri hugmynd um að vernda þurfi ungverska menningu gegn utanaðkomandi hópum sem litið er á sem ógn gegn öryggi og sérkennum þjóðarinnar. Af niðurstöðunum má því draga þá ályktun að skilgreina megi Fidesz sem þjóðernispopúlistaflokk