Fyrstu fasteignakaup: Hvað stendur til boða fyrir lántakendur?

Vanda þarf valið þegar kaupa á fasteign og einnig þarf að vanda valið við fjármögnun hennar. Í þessari ritgerð er farið yfir þá möguleika sem einstaklingum standa til boða við það að fjármagna fyrstu fasteignakaup. Húsnæðislán á Íslandi eru skoðuð, hvernig þau virka í einfaldri mynd og einnig hvaða framboð er af þeim. Í fyrri hluta ritgerðarinnar er farið yfir húsnæðislán á Íslandi, þ.e.a.s. tegundir lána, vexti lána, niðurgreiðslur lána og lánveitendur. Einnig er fjallað um önnur atriði sem geta hjálpað núna eða síðar við fyrstu fasteignakaup, en þar er um að ræða séreignarsparnað til stuðnings fasteignakaupa, hlutdeildarlán og innborgun á lán. Útreikningar lána sýndu fram á að auðveldast er fyrir fyrstu kaupendur að taka verðtryggð lán með jöfnum greiðslum, en jafnframt eru þau óhagstæðustu lánin hvað heildarkostnað varðar. Óverðtryggð lán með jöfnum afborgunum eru hagstæðustu lánin, en hafa hæstu greiðslubyrðina í byrjun og eru því óvinsæl hjá fyrstu kaupendum. Blönduð lán eru hagstæðari en verðtryggð lán og með lægra greiðslubyrði en óverðtryggð lán og eru því góð fyrir lántakendur sem vilja dreifa áhættunni. Séreignarsparnaður er mjög góð til að hjálpa fyrstu kaupendum og sýnir það sig sama hvort einstaklingur er þegar byrjaður að borga í séreign eða byrjar á því við fasteignakaup. Notast er við fasteignalán Landsbankans við útreikninga vegna þess að þar eru mestu möguleikarnir hvað varðar lánsfjárhæð, lánategund, og skilyrði. Hlutdeildarlán eru á byrjunarstigi og erfitt að meta þau en ættu að geta hjálpað fyrstu kaupendum mikið í framtíðinni. Til að losna við að vera á leigumarkaði getur verið góð leið og nýta sér alla þá hjálp til að komast á fasteignamarkaðinn og nýta sér svo önnur úrræði seinna meir eins og innborgun á lán eða endurfjármagna í hagstæðari lán þegar kostur er á