Diskurtso kooperatiboak langile-kolektiboan: kooperatibagintzari buruzko sentipenak Fagor Arrasaten

Arrasateko kooperatiba esperientzia bidegurutzean dagoela aipatu dute hainbat egilek eta ikerlarik. Alde batetik joera teknokratikoa eta arlo sozialaren desgastea bizi du esperentziak; baina aldi berean, Lanki ikertegiaren (www.lanki.coop) inguruko produkzio intelektualaren abiapuntua da badaudela identitatea berreraiki eta indartzeko elementuak. Hori da lan honen baitako hipotesia. Testuinguru horretan, beraz, kooperatibisten diskurtso, iritzi eta sentipenak aztertzea izan dugu helburu. Kooperatibagintzaz dauden pertzepzio eta ideiak jaso nahi izan ditugu, lan-kolektibo osoa hartuta. Azterketa egiteko Fagor Arrasate kooperatiba elkartea aukeratu dugu