Tomás de Bhaldraithe: saol agus saothar

Caoga bliain ó shin i mbliana d'fhoilsigh an Roinn Oïaeachais English-Irish Dictionary agus tháinig ainm Thomáis de Bhaldraithe chun cinn i mbéal an phobail. Lean cáil a fhoclóra i rith a shaoil féin agus chuir sé cuid mhór eile leis an éacht sin go dtí an uair a bhásaigh sé. Go scrúdaímis ag an tráth seo in achoimir a shaol agus a shaothar. Rugadh Tomás Mac Donnachadha de Bhaldraithe nó Thomas Waldron i mBaile na Cora i Luimneach ar 14 Nollaig 1916. Fuair sé bás ar 24 Aibreán 1996 agus é ag seoladh The Words We Use le Diarmuid O Muirithe i gClub na nEalaíon, i mBaile Atha Cliath. Buachaill ciúin a bhí ann; thaitin sé leis stampai a bhailiú, ag léitheoireacht agus ag rothaíocht. Nuair a bhí an chlann sin óg, ní raibh ach beagáinín Gaeilge sa bhaile..