Planlegging av driftsbygning til sau på Rossevatn gard

Sjølvforsyningsgraden av mat ligg under 50 % i Noreg i dag. For å auke sjølvforsyningsgraden må ein ta i bruk resursane Noreg har. 45% av utmarka egnar seg som husdyrbeite. NIBIO har kartlagt vegetasjonen i utmarka, og rekna ut ein mogleg dobling av beitedyr i utmarka etter kvaliteten på vegetasjonen i dag. Sau er eit beitedyr som kan omsette beite frå utmarka til kjøt og ull. Noreg har ulike sesongar gjennom eit år. Det gjer det vanskeleg å drive med sau om vinteren utan eit driftsbygg å huse buskapen i. Denne bacheloroppgåva går ut på å planlegge eit driftsbygg til sau på Rossevatn gard. Formålet med oppgåva er å fullprosjektere ei enkel og rasjonell driftsløysing med fokus på utfôring, utgjødsling, dyrevelferd og økonomi til 120vfs. Driftsbygget har fokus på å bruke resursane på Rossevatn gard, og halde dei krava som er fastsett i Forskrifta om velferd for småfe. I oppgåva blir det teke fram tre forskjellige alternativ til løysing av driftsbygg. Kvart alternativ har ulike løysingar og blir forklart i eit avsnitt over bilete. Alternativa vil bli satt opp i ein evalueringstabell som får poeng etter valte kriteria. Av alternativa var det alternativ 1 som kom best ut. Alternativ 1 er eit temperert fjøs med massivtre, naturleg styrt ventilasjon, langsgåande fôrbrett og gjødselkjellar. Løysinga får poeng etter god dyrevelferd, inneklima og framtidsmoglegheita. Vidare i fullprosjekteringa vil ulike tema som romprogram, innreiing, lammingssituasjon, bygningskonstruksjon, utfôring, utgjødsling, ventilasjon, tomt og grunnarbeid, estetikk og situasjonsplan og økonomi beskriven. I vedlegga finn ein utrekningar av storleik på gjødselkjellar, kraftfôrsilo, økonomiske berekningar og snitt/ fasadeteikningar til alternativ 1. Fjøset er byggja med klimavennlege materiale. Materialet er henta frå garden, og sagd opp på sagbruket til tilhøyrande gardsbruk. Økonomisk blei det eit forholdsvis dyrt bygg. Bygget har mykje produktivt areal og litt større plass til kvart individ i forhold til som er anbefalt. Auka produksjon og eigeninnsats under bygginga kan forsvara den høge utgifta. Fjøset er moderne og tek i bruk ressursar frå gardsbruket. Fjøset er med på å auke sjølvforsyningsgraden med tømmer til bygging, og utmarka til kjøt og ull