Representasjon av bybane i Regional transportmodell - ei etterprøving av casestudiet Bybanen i Bergen

Transportmodeller er en sentral del av beslutningstakarprosessen i transportplanlegging. Deira rolle som grunnlag for nytte-kost-analyser og som prognoseverktøy gjer dei til mogelegvis den sentrale delen av eitkvart planlagt og realisert transportprosjekt. Litteraturen viser at etterprøvingar av transportmodellar sjeldan vert gjennomførte, sidan innhenting av data på eit tilstrekkeleg detaljnivå viser seg å være vanskeleg til umogeleg. Etterprøvingar av kollektivtransport og spesielt bybanesystem viser seg å være endå sjeldnare, sidan desse prosjekta er færre og lengre mellom enn vegprosjekt. I gjeldande Nasjonal transportplan stadfestar Regjeringa at ein styrka kunnskapsbase for transportmodellering er ein prioritet i framtida. I denne konteksten er målet til denne masteroppgåva å gjere ein omfattande etterprøving av representasjonen av Bybanen i Bergen, gjennom å bruke data produsert sidan opninga av bana i 2010, inkludert reisevaneundersøkingar og passasjerteljingar. Resultata er blanda for den valde metodikken, men konklusjonen til oppgåva er at representasjonen av Bybanen i Bergen i det gjeldande modellrammeverket RTM er god