KAENDAHAN ALAM SAJRONE GEGURITAN TEMBANG KAPANG, TEMBANG BEBRAYAN ANGGITANE EFFENDI KADARISMAN LAN GEGURITAN SAGARA AENG MATA OJAN ANGGITANE LUKMAN HAKIM AG (TINTINGAN SASTRA BANDHINGAN)

le-interchange-newline"> Panliten iki mbandhingake rong karya sastra arupa geguritan yaiku geguritan Tembang Kapang, TembangBebrayan anggitane Effendi Kadarisma kanthi basa Jawa lan geguritan Sagara Aeng Mata Ojan anggitane LukmanHakim AG kanthi basa Madura. Geguritan iki nduweni tema kang padha yaiku kaendahan alam. Kajian sastrabandhingan iki luwih nengenake perangan afinitas miturut Saripan Sadi Hutomo. Underane panliten iki ana telu,yaiku (1) kepriye wujud kaendahan alam sajrone geguritan “Tembang Kapang, Tembang Bebrayan” lan geguritan“Sagara Aeng Mata Ojan”? (2) kepriye sikap pangripta sajrone geguritan “Tembang Kapang, Tembang Bebrayan”lan geguritan “Sagara Aeng Mata Ojan”? (3) kepriye unsur-unsur budaya sajrone geguritan “Tembang Kapang,Tembang Bebrayan” lan geguritan “Sagara Aeng Mata Ojan”?. Paedah panliten iki tumrap sastra Jawa modern,piwulangan, pamaca, lan panliti.Tintingan kang digunakake sajrone panliten iki yaiku tintingan sastra bandhingan mligine ing karya sastrageguritan. Panliten iki kalebu wujud panliten dheskriptif kualitatif. Teknik panglumpukan dhata iki nggunakaketeknik simak lan maca, kanthi cara maca lan ngamati sumber dhata, ngidentifikasi tembung-tembung kang ngandhuttema, sikap pangripta lan unsur-unsur budaya, nyathet lan nglasifikasikake dhata miturut underan panliten. Sumberdhata arupa geguritan kanthi basa Jawa cacahe 10 lan geguritan kanthi basa Madura cacahe 10.Asile panliten yaiku (1) wujud kaendahan alam yaiku ing geguritan basa Jawa ngrembag kahanan alam Jawakang papan panggonane ana ing pedalaman, lan ing geguritan basa Madura ngrembag kahanan alam madura kangpapan panggonane ana ing pesisir segara lan pangripta njlentrehake kahanan arupa banyu, kaloro geguritan kasebutnganggo basa kang kalebu basa krama alus ing dhaerahe. (2) wujud sikap pangripta iki ngenani kahanan kangdirasakake dening pangripta , ing geguritan basa Jawa pangripta nuduhake rasa sukur marang nikmat saka Gusti, laning geguritan basa Madura pangripta nuduhake sikap kang ngrasa sedhih lan susah amarga panguripan ing papanpanggonane. (3) wujud unsur-unsur budaya iki arupa mata pencaharian lan kesenian, ing geguritan basa Jawa wujudmata pencaharian yaiku tetanen lan undhagi, lan kesenian yaiku seni pagelaran wayang, lan ing geguritan basaMadura wujud mata pencaharian yaiku juru mudhi lan kesenian yaiku seni lukis batik