Velferð nemenda í grunnskólum á Íslandi

Mikið hefur verið fjallað um álag innan skólakerfisins á Íslandi undanfarin misseri og er því vert að skoða hvort skólinn ráði við það stóra velferðarhlutverk sem hann á að sinna samkvæmt lögum eins og staðan er í dag. Grunnskólinn er í lykilaðstöðu til að hafa áhrif á líf barna og er þess vegna mikilvægt að stuðningur innan hans sé eins og best er á kosið. Viðfangsefni ritgerðarinnar er velferð nemenda í grunnskólum á Íslandi og er markmið hennar að skoða velferð nemenda í grunnskólum út frá heildarsýn. Meginspurningar ritgerðarinnar eru: Ráða grunnskólar á Íslandi við að sinna velferðarhlutverki sínu? og Hvernig geta félagsráðgjafar nýst varðandi velferðarhlutverk grunnskóla? Helstu niðurstöður eru þær að skortur er á þverfaglegu samstarfi ólíkra sérfræðinga innan grunnskóla til þess að geta hugað að öllum þeim þáttum sem hafa áhrif á velferð nemenda. Álykta má að vegna fjölda mála og erfiðleika þeirra er erfitt fyrir skóla að standast þær væntingar sem ætlast er til að þeir sinni út frá Aðalnámskrá grunnskóla og lögum um grunnskóla. Niðurstöður sýna að álag innan skólanna er mikið vegna erfiðra mála sem krefjast meðal annars sérþekkingar félagsráðgjafa. Má því álykta að brýn þörf sé á félagsráðgjöfum innan grunnskóla á Íslandi vegna sérþekkingar þeirra á vinnu með börnum og unglingum, meðferðum og þverfaglegu samstarfi