Einkaskóli á Akureyri : markaðsgreining og arðsemismat

Verkefnið er opið nemendum og starfsfólki Háskólans á AkureyriVið stofnun einkaskóla eru margir þættir s.s. lagalegir, stjórnmálalegir, félagslegir og siðfræðilegir sem huga þarf að. Nauðsynlegt er að kanna ítarlega fjárhagslegar hliðar ef til stofnunar kæmi, m.a. skólagjöld og framlag sveitarfélags. Að byggja skólahús frá grunni væri mjög fjárfrek framkvæmd sem myndi auka óvissu um afkomu og rekstur skólans. Því kæmi vel til greina að leigja húsnæði og stofnbúnað af öðru fyrirtæki og dreifa með því áhættu. Með því gæti náðst betri einbeiting á kjarnahæfni. Einkareknir grunnskólar komu betur út úr PISA könnuninni en opinberir grunnskólar. Talið er að allstór hópur íslenskra nemenda fullreyni ekki getu sína í skólanum. Markaður er fyrir einkarekinn grunnskóla á Akureyri og virðist sem þó nokkur meðbyr sé hjá almenningi. Í markaðs¬rannsókninni kom í ljós að af þeim sem tóku afstöðu eru 32% mjög eða frekar hlynntir að settur verði á stofn einkarekinn grunnskóli á Akureyri. Sífellt fleiri eru þeirrar skoðunar að rekstri sé betur borgið í höndum einstak¬linga en hjá hinu opinbera og virðist leiðin sem valin var með Áslandsskóla ætla að gefast vel. Við útreikning á arðsemi þurfti að nálgast raunveruleikann með ýmsum aðferðum. Miðað við gefnar forsendur virðist stofnun á einkareknum grunnskóla vera spennandi og arðbær fjárfestingar¬kostur til lengri tíma litið. Afkoman er þó mjög næm fyrir breyt¬ingum á forsendum en fjárfestingin stendur undir 14,4% ávöxtunar¬kröfu. Lykilhugtök: Einkaskóli. Arðsemi. Skilvirkni. Markaðsgreining. PISA