Íslensk börn sem búið hafa erlendis og staða þeirra í íslenskum grunnskólum

GrunnskólabrautÍ ritgerðinni munum við beina sjónum okkar að íslenskum börnum sem eiga báða foreldra íslenska og búið hafa erlendis. Við munum skoða stöðu þeirra eftir að þau flytja til Íslands og hefja nám í grunnskólum landsins. Þessi börn kölluðum við snúbúa. Ýmsar tölulegar upplýsingar sem tengjast skólamálum snúbúa voru skoðaðar sem og lög og reglugerðir. Einnig kynntum við okkur hvernig staðið væri að málefnum snúbúa í grunnskólum á höfuðborgarsvæðinu. Við vinnu ritgerðarinnar kom í ljós að hvergi var minnst á snúbúa í lögum og reglugerðum og mikið vantaði upp á aðstoð og skilning á því að mörg þessara barna þurftu á hjálp að halda og ættu við raunverulegan vanda að stríða. Misjafnt var hver staða þessara barna var og margt gat spilað þar inn í. Vakin var athygli á hvað allir þeir sem að málefnum snúbúa koma geta gert til þess að hjálpa og lausnir til úrbóta reifaðar. Lykilorð: Snúbúi, íslensk börn