Íslenskar kvikmyndir í ljósi afbrotafræðinnar. Afbrotafræði kvikmynda

Áhugavert er að skoða hvaða fræðilega afbrotafræði birtist í kvikmyndum. Í þessarri ritgerð er skoðað helstu kenningar og sjónarmið afbrotafræðinnar í takt við kvikmyndir. Kvikmyndirnar sem skoðaðar eru út frá fræðilegum kenningum afbrotafræðinnar eru Svartur á leik leikstýrð af Óskari Þór Axelssyni, Falskur fugl leikstýrð af Þór Ómari Jónssyni og Borgríki leikstýrð af Ólafi Jóhannessyni. Viðfangsefni ritgerðarinnar er hvort að fræðilegar kenningar afbrotafræðinnar birtist í íslenskum nútíma kvikmyndum. Svo reyndist vera þar sem helstu kenningar afbrotafræðinnar og sjónarmið birtust greinilega í kvikmyndunum þremur. Veruleikann sem kvikmyndirnar búa til fyrir áhorfandann er auðvelt að tengja við fræðilegar kenningar afbrotafræðinnar. Yfirleitt var það ein kenning sem var ríkjandi í hverri mynd en þó var alltaf hægt að finna birtingarmynd fleiri kenninga í hverri kvikmynd fyrir sig. Misjafnt var hversu stór hlutverk afbrotafræðileg sýn á viðfangsefni myndanna lék í þeim. Frá því að skilningur áhorfenda á hegðun persónanna var aukinn með afbrotafræðilegri nálgun til þess að félgafræðileg sýn var lítil og persónuleg markmið ráði athöfnum fólks í samfélagi sem einkennist af siðrofi. Afbrotafræðin er sannarlega til staðar í íslenskum kvikmyndum og tengingin þarna á milli er mikil. Ritgerðin er heimildaritgerð að hluta og innihaldsgreining á kvikmyndum að hluta