Eru konur menn? Kvenréttindi eru mannréttindi

Hvers vegna er þörf fyrir sérstök kvenréttindi? Af hverju eru mannréttindi ekki næg fyrir konur? Í ritsmíðinni verður sýnt fram á hvernig mannréttindi eru í eðli sínu karllæg, vegna þess að þau voru samin af körlum og reynsla kvenna ekki höfð að leiðarljósi þegar þau voru samin. Mannréttindi vernda því ekki endilega konur í sama mæli og karla. Til þess að sýna fram á þetta eru notaðar ritaðar heimildir um viðfangsefnið. Sérstaklega verður skoðaður samningur Sameinuðu þjóðanna um afnám alls misréttis gagnvart konum, CEDAW, en sá samningur er eini kvenréttindasamningurinn sem Ísland hefur fullgilt. Einnig verður sýnt fram á að þrátt fyrir að Íslendingar séu lengra komnir í átt að jafnrétti kynjanna en margar aðrar þjóðir, þá sé enn þörf fyrir breytingar til að fullkomnu jafnrétti kynjanna sé náð hér á landi og að konur njóti hér verndar mannréttinda. Til þess verða notaðar skýrslur eftirlitsnefndar kvenréttindasamnings Sameinuðu þjóðanna um Ísland, ásamt því að skoða hvað Ísland hefur lagt af mörkum til að breiða út jafnrétti kynja og mannréttindi kvenna í heiminum