Hver hvílir í kistunni?

Markmið þessarar ritgerðar er að skoða líkkistugrafirnar á Skriðuklaustri og bera þær saman við líkkistugrafir sem grafnar hafa verið upp í öðrum kirkjugörðum á landinu með það í huga að greina hverjir fengu að hvíla í líkkistum og hverjir ekki. Eins er markmiðið að skoða hérlendis kistunotkun almennt á mismunandi tímabilum Íslandssögunnar. Í samanburðinum verður skoðuð dreifing og hlutfall kyns og aldurs þeirra sem hvíla í kistum á hverjum stað fyrir sig. Eins verður litið á dreifingu kistugrafanna í kirkjugörðunum sem þær tilheyra. Notkun á einföldum kistum virðist hafa verið algild á fyrstu tíð en þegar líður á bætist í fjölbreytileika kistugerðar. Það má svo segja um þá sem lágu í líkkistunum að þetta virðast hafa verið konur og karlar á öllum aldri sem endurspegla samfélagið á þeim stað sem þau voru jarðsett. Það sem sker úr um það hvort einstaklingur liggur í líkkistu er á hvaða tímabili einstaklingurinn er jarðaður, samfélagsleg- og þjóðfélagsleg staða hans og efnahagur