Birtingarmynd tóbaks í íslenskum fjölmiðlum

Verkefnið er lokaðTóbak er neysluvara sem erfitt er að komast hjá að sjá í íslenskri menningu þrátt fyrir hinar ýmsu hömlur sem hafa verið settar í íslenska löggjöf. Í þessari ritgerð er farið í hvernig birtingarmynd tóbaks er í íslenskum fjölmiðlum. Tekin er fyrir upphaf umræðunnar um tóbaksvarnir á Alþingi, hvaða hömlur hafa verið settar í lög varðandi tóbaksauglýsingar og jákvæða umfjöllun tóbaks í fjölmiðlum séu dæmi nefnd. Farið er stuttlega í hvernig gamlar tóbaksauglýsingar voru hér á landi fyrir tilkomu tóbaksvarnalaga og nýleg brot á viðkomandi lögum. Við vinnslu þessa verkefnis voru tekin viðtöl við Viðar Jensson verkefnastjóra tóbaksvarna hjá Lýðheilsustöð, Þorgrím Þráinsson rithöfund og fyrrverandi starfsmann Tóbaksvarnarnefndar og Sif Friðleifsdóttir þingmann og fyrrverandi Heilbrigðisráðherra þar sem þau þrjú hafa verið í baráttunni gegn tóbaki og þar af leiðandi fyrir að setja hömlur á jákvæða umfjöllun um tóbak í íslenskum fjölmiðlum. Markmið ritgerðarinnar er að sýna hvernig birtingarmynd tóbaks er í íslenskum fjölmiðlum og hvort þróun löggjafarinnar á þessu sviði og barátta fólks innan tóbaksvarna hafi leitt til minnkandi neyslu almennings á tóbaki