Sjóðstreymi

Yfirlit um sjóðstreymi er óaðskiljanlegur hluti ársreiknings ásamt rekstrarreikningi, efnahagsreikningi, eiginfjáryfirliti og skýringum. Öllum stórum og meðalstórum fyrirtækjum ber að birta sjóðstreymisyfirlit sem hluta af reikningsskilum sínum fyrir hvert tímabil sem það birtir þau. Sjóðstreymi sýnir breytingu á handbæru fé fyrirtækis á milli tímabila. Rekstrarreikningur sýnir afkomu fyrirtækis yfir ákveðinn tíma, þ.e. hagnað eða tap. Efnahagsreikningurinn er nokkurs konar „ljósmynd“ af stöðu fyrirtækisins, en hann sýnir stöðu eigna, skulda og eigin fjár á ákveðnum tímapunkti. Efnahagsreikningur veitir upp-lýsingar um hvernig eignir fyrirtækis eru fjármagnaðar, með skuldum eða eigin fé. Byggir efnahagsreikningurinn á bókhaldsjöfnunni: Eignir = Skuldir + Eigið fé. Greint er frá liðum eigin fjár á tímabilinu í eiginfjáryfirliti. Skýringar innihalda til viðbótar upplýsingar sem fram koma í rekstrarreikningi, efnahagsreikningi, yfirliti um sjóðstreymi og eiginfjáryfir-liti. Sjóðstreymi nýtist lesendum reikningsskila þegar meta á getu fyrirtækis til að afla handbærs fjár. Til lengdar litið er mikilvægt fyrir rekstur fyrirtækis að það skili nægilegu fé til að hægt sé að standa við skuldbindingar. Sjóðstreymi er skipt í þrjá hluta til að auð-velda lestur þess, þ.e. rekstrarhreyfingar, fjárfestingarhreyfingar og fjármögnunarhreyf-ingar. Samkvæmt staðli alþjóðlega reikningsskilaráðsins, IAS 7, er leyfilegt að beita beinni eða óbeinni aðferð við framsetningu rekstrarhreyfinga. Einnig er gefið leyfi til að notast við blöndu af báðum aðferðum. Fyrirtæki eru hvött af alþjóðlega reikningsskila-ráðinu (IASB) og Reikningsskilaráði til að notast við beinu aðferðina