Þjóðhagsleg hagkvæmni Borgarlínu. Kostnaðar- og ábatagreining

Að undanförnu hefur mikil umræða verið í samfélaginu um umferðarálag og tafir í umferð á háannatímum á höfuðborgarsvæðinu. Borgarlínan hefur þá oft komið upp í þessari sömu umræðu sem lausn á þessum vanda, en er hún það í raun? Að koma nýju almenningssamgangnakerfi á fót fylgir gríðarlegur kostnaður, án mikillar aukningar á notendahópi almenningssamgangna er ekki víst að slíkt verkefni borgi sig. Það eru því ekki allir sammála um hvort þetta sé rétta leiðin til þess að mæta þessu mikla umferðarálagi, eða hvort ætti í staðinn að leita annarra ráða. Hér í þessari ritgerð er farið yfir hvernig áætlanir og markmið varðandi þessa fyrirhuguðu Borgarlínu hljóma. Allur kostnaður verkefnisins, frá framkvæmdarkostnaði til kostnaðar við rekstur er tekinn saman. Þá er ábati samfélagsins vegna Borgarlínunnar skoðaður, en þar er til að mynda farið yfir ytri áhrif sem af henni stafa. Kostnaður og ábati Borgarlínunnar fer hinsvegar eftir því hvernig ferðavenjur höfuðborgarsvæðisins þróast með komu hennar. Fjögur spátilfelli varðandi umferðarþróun eru því skoðuð og síðan metið með kostnaðar- og ábatagreiningu hvort nettó ábati eða kostnaður er af hverju tilfelli fyrir sig. Byggt á þeim forsendum og gögnum sem notast er við í þessari ritgerð er síðan að lokum lagt mat á það hvort þjóðhagslega hagkvæmt sé að fara út í slíkt verkefni