Lítinn spöl frá Köldukvísl. Sýning á Vegamótum á Snæfellsnesi um draugasögur á Kerlingarskarði

Geisladiskur fylgir prentaða eintakinu.Þessi greinargerð er hluti af lokaverkefni mínu í hagnýtri menningarmiðlun við Háskóla Íslands. Lítinn spöl frá Köldukvísl er sýning sem sett var upp á Vegamótum á Snæfellsnesi. Sýningin var opnuð 1. júní 2013 og byggir hún á sögum af Kerlingarskarði, bæði gömlum drauga– og þjóðsögum sem og upplifunum fólks af skarðinu í seinni tíð. Fjölbreyttar miðlunarleiðir eru notaðar á sýningunni og eru þær spjöld, upptökur, ljósmyndir og hefti með sögum. Meðal annars er fjallað um Skriðu-Fúsa, Kerlinguna og Smaladysjar, auk fróðleiks um sæluhúsin og Vegamót. Sýningargestir geta hlustað á upptökur af frásögnum fólks sem lent hefur í hrakningnum á skarðinu og einnig skoðað gamlar ljósmyndir og blaðaúrklippur. Í þessari greinargerð er greint frá hugmyndinni á bak við verkefnið, hvernig hugmyndin varð til og hvernig sýningin varð að veruleika, auk þess sem farið er í gegnum vinnuferlið. Einnig verður fjallað um þær miðlunarleiðir sem notast er við á sýningunni