Skólabyrjun grunnskólabarna

Verkefnið er lokað.Í þessu lokaverkefni til B.Ed.-gráðu við kennaraskor hug- og félagsvísindadeildar Háskólans á Akureyri vorið 2009 er leitast við að svara rannsóknarspurningunni: Hvað felst í skólabyrjun barna og hvernig er hægt að undirbúa þau sem best fyrir grunnskólann? Það er mikilvægt að börn upplifi jákvæða skólabyrjun og líði vel í skólanum. Tíðar heimsóknir leikskólabarna í grunnskóla undirbúa þau vel ásamt foreldrum sem eru mikilvægustu mótunaraðilar barnsins og geta undirbúið þau vel fyrir skólagöngu. Það þarf að stuðla að andlegri og líkamlegri velferð nemenda, þeim verður að finnast þau örugg. Taka þarf tillit til þroska nemenda í skólabyrjun, börn geta verið á mismunandi þroskastigi þó þau séu fædd á sama ári og skiptir máli hvort þau séu fædd í janúar eða desember. Niðurstöður ritgerðarinnar benda til að ef heimili og skóli vinna vel saman og gott upplýsingaflæði þar á milli geti það gert skólabyrjun barna jákvæðari. Þá skipta kennsluaðferðir miklu máli og að námsumhverfi sé notalegt og hvetjandi