School of Americas: Birtingarmynd bandarískrar heimsvaldastefnu?

Þegar ríki hefur yfirburðarstöðu á alþjóðlega valdasviðinu er það ríki gjarnan kallað heimsveldi. Í dag eru Bandaríkin eitt helsta heimsveldi í heiminum en á tíma kalda stríðsins voru það tvö, Bandaríkin og Sovétríkin. Sú stefna sem ríki heldur úti til að viðhalda stöðu sinni sem heimsveldis nefnist heimsvaldastefna. Í þessari heimildarritgerð verður fjallað um heimsvaldastefnu Bandaríkjanna og birtingarmynd hennar gagnvart Rómönsku Ameríku á tíma kalda stríðsins. Greint verður frá utanríkisstefnu Bandaríkjanna og hvernig hún hefur mótast af heimsvaldastefnu þeirra. Tilgangur ritgerðarinnar er að varpa ljósi á mögulega birtingarmynd heimsvaldastefnu og hvaða afleiðingar sú stefna getur haft. Til að einfalda þá greiningu verður fjallað um herþjálfunarskólann School of Americas og skoðað hvernig hann fellur að utanríkisstefnu og heimsvaldastefnu Bandaríkjanna. Meginniðurstöður ritgerðarinnar sýna hvernig skólinn er ein af birtingarmyndum heimsvaldastefnu Bandaríkjanna enda hefur hann verið notaður til að halda úti utanríkissefnu Bandaríkjanna í Rómönsku Ameríku