Sjóðstreymi: Gagnsemi, framsetning og greining.

Sjóðstreymisyfirlit er eitt af yfirlitum ársreiknings félaga en í því má sjá hver breyting handbærs fjár var yfir reikningstímabilið. Markmið þessarar ritgerðar er að skýra frá því hvaða hlutverki sjóðstreymi gegnir í ársreikningi og hver gagnsemi þess er. Fjallað verður um helstu lög og reglugerðir sem í gildi eru hér á landi hvað varðar sjóðstreymi í ársreikningi. Tekin verður fyrir framsetning sjóðstreymis en það skiptist í þrjá flokka hreyfinga; rekstrar-, fjárfestingar- og fjármögnunarhreyfinar. Gerð verður grein fyrir hverjum flokki fyrir sig ásamt þeim aðferðum sem standa notendum til boða við framsetningu. Að lokum eru skýrðar helstu leiðir sem farnar eru við mat á sjóðstreymisyfirliti. Þar er fjallað um kennitölugreiningu en notkun kennitalna hefur löngum verið vinsæl við greiningu gagna úr ársreikningi. Niðurstöður ritgerðarinnar gefa til kynna mikilvægi sjóðstreymisyfirlitsins en það veitir meðal annars viðbótar upplýsingar við rekstrar- og efnhagsreikninginn sem gefa gleggri mynd af fjárhagslegri stöðu félags. Sjóðstreymi veitir gagnlegar upplýsingar við mat á getu fyrirtækis til að skapa handbært fé á komandi árum og þar með getu þess til að standa undir skuldbindingum sínum. Í ritgerðinni má sjá að greining á kennitölum úr sjóðstreymi getur verið góð leið til mats á sjóðstreymi en einnig gagnleg við samanburð á milli félaga sem og á milli ára