Hvernig getur TMT hjálpað börnum með seinkaðan málþroska?

Hér verður fjallað um Tákn með tali (TMT) og hvernig táknin hjálpa börnum með seinkaðan málþroska að eiga í samskiptum í leik og starfi við önnur börn og starfsfólk á leikskólanum. Fylgst er með tæplega þriggja ára dreng með seinkaðan málþroska sem er í leikskóla og gerð er athugun á því hvernig TMT getur hjálpað barni eins og honum. Í fyrri hluta ritgerðarinnar er fjallað um málþroska barna, málhömlun og seinkaðan málþroska. Einnig verður fjallað um „Tákn með tali“, hvernig aðferðin nýtist og hverjum. Farið verður yfir kosti TMT og „Tákn með tali“ á leikskólum almennt. Í seinni hluta ritgerðarinnar er farið í athugun á því hvernig táknin hjálpa barni með seinkaðan málþroska. Að lokum mun ég draga saman ályktanir mínar og leggja fram niðurstöður athugunarinnar. Lykilorð: Seinkaður málþroski