Lowering the voting age: the importance of being thorough

Meginmarkmið þessarar ritgerðar er að varpa ljósi á hvaða hlutverki lýðræðisfræðsla gegnir þegar kosningaaldur er lækkaður. Í ljósi frumvarps sem liggur nú fyrir á Alþingi þar sem lagt er til að lækka kosningaaldur í sveitarstjórnarkosningum frá 18 árum niður í 16 ár, má segja að umfjöllunarefnið sé afar brýnt. Í ritgerðinni er lýðræðisfræðsla skilgreind og farið er yfir helstu rannsóknir á áhrifum hennar. Síðan er sjónum beint að lækkun kosningaaldurs niður í 16 ár og farið yfir helstu rök með og á móti lækkuninni. Að lokum verða tekin fyrir þrjú ríki sem hafa, þó með afar ólíkum hætti, gert tilraunir til lækkunar. Rannsóknarspurning ritgerðarinnar er: „Er mikilvægt að auka lýðræðisfræðslu áður enkosningaaldur er lækkaður?“. Helstu niðurstöður eru þær að þrátt fyrir að ekki sé hægt að svara rannsóknarspurningunni afdráttarlaust þá benda frumraunir ríkjanna sem fjallað er um; Austurríkis, Skotlands og Noregs, til þess að skólar gegni veigamiklu hlutverki þegar kemur að lækkun kosningaaldurs en ítreka um leið að frekari rannsókna er þörf til að greina eðli þeirra áhrifa