Hið ímyndaða ítarefni : leiðir til þess að bæta námsefni fyrir sterka nemendur í stærðfræði

Meistaraverkefni þetta er að einhverju leyti áframhaldandi þróun á námsefni sem unnið var í lokaverkefni til B.Ed. – prófs vorið 2015. Námsefnið ber heitið Hið ímyndaða ítarefni og er viðfangsefni þess tvinntölur. Námsefnið var ætlað sterkum nemendum í stærðfræði til þess að mæta þörfum þeirra á grundvelli námsgagna. Í verkefni þessu var leitast eftir því að bæta umrætt námsefni. Í fyrsta lagi voru skrifaðar kennsluleiðbeiningar sem ætlað voru til þess að styðja við kennara í kennslu sinni á námsefinu. Leiðbeiningarnar áttu einnig að vera fræðandi fyrir kennarana og stuðla að námi þeirra og starfsþróun. Einnig var gerð rannsókn á noktun námsefnisins og kennsluleiðbeininganna þar sem efnið var sent út til tveggja kennara sem notuðu það í kennslu hjá sér. Viðtöl voru svo tekin við þá kennara sem og fjóra nemendur þeirra sem allir teljast sem sterkir nemendur í stærðfræði með það að leiðarljósi hvernig bæta megi námsefnið og kennsluleiðbeiningarnar. Um eigindlega rannsókn var að ræða þar sem stuðst var við hálfopin viðtöl. Við þemagreiningu mátti greina sjö þemu þar sem fjögur spruttu upp úr kennaraviðtölunum og þrjú nemenedaviðtölunum. Þau þemu voru kennsla í stærðfræði, kennsluleiðbeiningar, kennslufyrirkomulag, námsefnið og sterkir nemendur. Þemun námsefnið og sterkir nemendur komu við sögu hjá bæði kennurum og nemendum. Helstu niðurstöður rannsóknarinnar sýna að námsefnið Hið ímyndaða ítarefni er vel til þess fallið að mæta þörfum sterkra nemenda í stærðfræði. Einnig sýna þær að kennsluleiðbeiningarnar nýttust kennurum vel í kennslu og út frá greiningu rannsakanda eru þær menntandi í þeim skilningi að þær styðja við nálgun kennara til kennslu á námsefninu og þeir geta sótt þangað fróðleik þar sem fræðilegur hluti þeirra er innihaldsríkur. Einnig má draga þá ályktun út frá niðurstöðum að viðfangsefni námsefnisins, tvinntölur séu tilvalin kostur fyrir sterka nemendur í stærðfræði við lok grunnskóla