Fósturfjölskyldur - Leiðin heim

Þegar barn verður fyrir misbresti þarf barnaverndarnefnd að grípa inn í og í sumum tilvikum þarf hún að beita meiriháttar ráðstöfun sem kölluð er fósturráðstöfun. Þegar slíkt kemur upp leitar barnaverndarnefnd til ákveðinna fósturforeldra en þeir einstaklingar eiga það sameiginlegt að hafa áhuga fyrir því að taka að sér barn í fóstur og hafa fengið til þess leyfi. Hlutverk fósturforeldra getur verið fjölbreytt og frábrugðið foreldrahlutverki annarra foreldra að því leyti að fósturforeldrar taka börn að sér á mismunandi aldri. Börnin koma úr mismunandi aðstæðum og því eru markmið fóstursins mismunandi og þurfa þeir að vera í samstarfi við og undir eftirliti ýmissa aðila sem koma að fósturmálum. Líkt og nafn ritgerðarinnar gefur tilkynna fjallar hún um fósturfjölskyldur og leiðina heim. Ritgerðinni er ætlað að fræða lesendur og sagt er frá því hvernig ferlið gengur fyrir sig, allt frá því að tilkynning berst um að barn búi við óviðunandi aðstæður heima fyrir og til þess tíma þegar barnið er komið til fósturfjölskyldu og sagt frá því hvernig barnavernd vinnur að málunum. Ritgerðinni er ætlað að svara spurningunni: Hvernig verða fósturfjölskyldur til? Helstu niðurstöður ritgerðarinnar eru hversu mikilvægar fósturfjölskyldur eru í samfélaginu og á Íslandi sé gott og vel uppbyggt barnaverndarkerfi sem leggi áherslu á þarfir barnsins. Einnig að starf félagsráðgjafa innan barnaverndar sé lykilþáttur í aðlögun fósturbarns og fósturfjölskyldu