Börn sem verða vitni að heimilisofbeldi. Afleiðingar og áhrif á líf barns

Þessi ritgerð er lokaverkefni til BA-prófs í félagsráðgjöf við Háskóla Íslands. Hún fjallar í meginefnum um börn sem verða vitni að ofbeldi í nánu sambandi og afleiðingar sem það getur haft á þau. Barn sem verður vitni að ofbeldi í nánu sambandi verður fyrir sálrænu eða tilfinningalegu ofbeldi og auknar líkur eru á því að það verði líka fyrir líkamlegu ofbeldi eða kynferðislegu. Barn sem býr við slíkar aðstæður mun að öllum líkindum þurfa að glíma við ýmsar líkamlegar, hugrænar, tillfinningalegar og félagslegar afleiðingar. Afleiðingar af völdum heimilisofbeldis geta komið hjá barni þegar það er nýfætt og getur fylgt því langt fram á fullorðinsárin. Ekki eru allir foreldrar sem gera sér grein fyrir því að ofbeldi milli þeirra hefur áhrif á barnið þeirra. Mikilvægt er að hafa opnar umræður um þetta í samfélaginu og gera foreldrum grein fyrir því að gjörðum þeirra fylgja afleiðingar. Einnig þurfa að vera nægilega öflug úrræði og gott upplýsingaflæði til foreldra og barna um hvar þau geta leitað sér aðstoðar