Ég gefst aldrei upp þó að á móti blási : saga Kristins Þóris Einarssonar

Áhugi minn fyrir sögu hefur alla tíð verið mikill og hefur áhuginn fyrir munnlegri sögu aukist til muna á síðustu árum. Tók ég þá ákvörðun að skrifa ritgerð sem væri byggð á munnlegri heimild að einhverju leiti. Var þá nærtækast að taka fyrir Reyðarfjörð mína heimabyggð í dag. Hefur mikil breyting orðið hér síðustu 6 árin sem ég hef búið hér þannig að mér lék á forvitni að vita hvernig síðustu 80 ár hefðu verið. Var Kristinn Einarson tilbúin til að leyfa mér að taka viðtal við sig sem ég gerði á heimili hans. Eru viðtölin tekin upp og geymd á stafrænu formi. Fléttast síðan skriflegar heimildir inn í sögu Kristins. Í ritgerðinni kemur fram hversu mikil breyting hefur orðið á Reyðarfirði frá því að Kristinn fæddist árið 1925 og til dagsins í dag. Kristinn er fyrrverandi skólastjóri og talaði því mikið skólastarfið sem hefur tekið miklum breytingum frá því að hann byrjaði sína skólagöngu og þar til hann hætti störfum. Einnig fjallar hann um veikindi sín en hann smitaðist af Akureyarveikinni á menntaskólaárum sínum á Akureyri og hefur barist við þau veikindi síðan. Hann upplifði stríðsárin hér á Reyðarfirði og vann mikið hjá Bretunum sem voru staðsettir hér á stríðsárunum. Í lokin fjöllum við um félagsamtökin sem hann hefur komið örlítið nálægt á sinni ævi til að mynda stofnun Félags eldri borgara