Leiktu þér með efniviðinn og hugmyndin lifnar við : hugmyndabók fyrir textílkennara

Verkefnið, Óhefðbundinn efniviður í textílkennslu, inniheldur greinargerð og hugmyndabók fyrir kennara. Verkefnið lýsir ákveðinni nálgun sem meðal annars er hægt að nýta við textílkennslu þar sem óhefðbundinn efniviður er notaður. Hugmyndabókin, Leiktu þér með efniviðinn og hugmyndin lifnar við, er ekki uppskriftabók að tilbúnum kennsluverkefnum heldur hugmyndabanki fyrir textílkennara. Stuðst er við markmið Aðalnámskrár grunnskóla og fjallað um mikilvægi endurvinnslu og endurnýtingar í nútímasamfélagi. Greint er frá kennsluaðferðum sem höfundar telja henta kennslu af þessu tagi og val þeirra er rökstutt með vísunum í Aðalnámskrá grunnskóla, Litróf kennsluaðferðanna eftir Ingvar Sigurgeirsson, fjölgreindakenningu Gardners, hugmyndafræði Reggio Emilia og John Dewey. Höfundar komast að þeirri niðurstöðu að ef þessum aðferðum er beitt, eru líkur til að það ýti undir sjálfstæð vinnubrögð nemenda, skapandi hugsun og víðsýni. Það er von höfunda að verkefnið nýtist kennurum sem leita leiða til að nota óhefðbundinn efnivið í kennslu.með tilliti til grunnskólanemenda. Lykilorð: Óhefðbundinn efniviður