Földu fórnarlömbin. Aðstandendur afbrotamanna

Ritgerð þessi er lokverkefni til BA-prófs í félagsráðgjöf við Háskóla Íslands. Umfjöllunarefni ritgerðarinnar eru aðstandendur afbrotamanna. Þetta er hópur af fólki sem hefur verið kallaður földu fórnarlömbin vegna þess hve lítið hefur verið fjallað um hann. Ritgerðin fjallar um líðan og upplifun aðstandenda og komið er inn á úrræði til handa þessum hópi. Afleiðingarnar af því að eiga skyldmenni í fangelsi geta verið margvíslegar og alvarlegar bæði fyrir fullorðna aðstandendur og börn. Í ritgerðinni var leitast við að svara eftirfarandi spurningum: Hvaða áhrif getur afbrot ástvinar haft á aðstandendur hans? Hvernig aðstoð fá aðstandendur afbrotamann? Hvernig geta félagsráðgjafar komið að stuðningi við aðstandendur afbrotamanna? Niðurstöður ritgerðarinnar voru þær að aðstandendur upplifa mikla sálræna, líkamlega og fjárhagslega erfiðleika. Það hefur ekki verið sérstaklega gert ráð fyrir aðstandendum í kerfinu né í lögum um fullnustu refsinga nr. 49/2005 og því er lítil markviss aðstoð við þá í boði. Aðstandendum fanga stendur til boða að fá aðstoð frá félagsráðgjöfum fangelsismálastofnunar en þeir þurfa sjálfir að afla sér upplýsinga um aðstoðina og hafa frumkvæði að því að nýta sér hana