Skipulag íslenskra fyrirtækja undir áhrifum alþjóðavæðingar

Skipulag íslenskra fyrirtækja er viðfangsefni þessarar rannsóknar. Við hönnun á skipulagi fyrirtækja þurfa þau að taka mið af ýmsum þáttum, einn þeirra er alþjóðavæðingin. Til að kanna hver þau áhrif eru var unnið út frá rannsóknarspurningunni: Hver eru áhrif alþjóðavæðingar á skipulag íslenskra fyrirtækja? Er mismunur eftir ytra umhverfi í starfsemi fyrirtækja? Fræðileg greining var unnin og gerð skil um: Skipulag fyrirtækja í alþjóðlegu fyrirtækjaumhverfi, stjórnskipulag, tækni í framleiðslu og þjónustu, umhverfi fyrirtækja, stefnu og alþjóðafyrirtækjum. Í upphafi rannsóknar voru lykilhugtök skilgreind til að leggja grunninn að markvissri greiningu og mati. Rannsakandi tók viðtöl í mars og apríl við einstaklinga hjá Samskipum, Kaffitári og NTC. Eðli starfsemi og stærð fyrirtækjanna er mismunandi en þau falla öll undir skilgreiningu á framleiðslu- og þjónustufyrirtæki. Niðurstöður benda til að áhrif alþjóðavæðingar á skipulag Samskipa, Kaffitárs og NTC sé mismunandi eftir fyrirtækjum en sveiflur alþjóðlegs efnahagslífs er um þessar mundir megin áhrifavaldurinn á skipulag fyrirtækjanna. Það var mismunur á innri skipulagseinkennum, skipulagi og stjórnskipulagi fyrirtækjanna eftir tilgangi þeirra. Það er mat rannsakanda að skipulagi NTC sé ábótavant sem er í anda einfalds skipulags. Þörf er á að efla skipulag og einfalda stjórnskipulag Kaffitárs. Skipulag Samskipa er í takt við stöðu þess í dag en þörf er á að efla lárétt upplýsingaflæði og rífa niður deildamúra