Þegar andkerfisflokkur verður hluti af kerfinu: Rannsókn á Besta flokknum

Í þessari rannsókn er Besti flokkurinn greindur út frá andkerfisflokkakenningum og stjórnmálasálfræðikenningu um réttlætingu kerfisins. Meginmarkmið rannsóknar eru að greina ástæður fyrir stofnun og stuðningi við Besta flokkinn ásamt því að skilja stöðu hans í íslenskum stjórnmálum. Rannsóknin er tvískipt og er beitt bæði eigindlegum og megindlegum rannsóknaraðferðum. Í eigindlegum hluta rannsóknar voru tekin viðtöl við fjóra efstu frambjóðendur Besta flokksins auk framkvæmdastjóra flokksins. Í megindlegum hluta rannsóknar var spurningalisti lagður fyrir hentugleikaúrtak vina og vandamanna rannsakanda. Niðurstöður rannsóknarinnar eru að Besti flokkurinn sé nátengdur því ástandi sem myndaðist í íslensku þjóðfélagi eftir efnahagshrunið 2008 og það beri að hafa í huga við greiningu á flokknum. Besta flokkinn má skilgreina sem andkerfisflokk og minnkandi fylgi hans meðal kjósenda frá alþingiskosningum 2009 er hægt að útskýra með hliðsjón af kenningum um slíka flokka. Fylgni er milli stjórnmálaviðhorfa almennt og viðhorfa til Besta flokksins en þrátt fyrir að Besti flokkurinn sé skilgreindur sem andkerfisflokkur sýndu niðurstöður ekki fram á að stuðningsmenn flokksins séu líklegri eða ólíklegri til þess að réttlæta ríkjandi samfélagsgerð í samanburði við aðr