Samskipti og lýðræði í leik : þróunarverkefni í leikskólanum Fífuborg um hlutverk starfsmanna í frjálsum leik

Grein þessi segir frá þróunarverkefninu Samskipti og lýðræði í leik í leikskólanum Fífuborg á árunum 2008 til 2011. Markmið verkefnisins var að auka þekkingu og skilning á hlutverki og framlagi starfsmanna meðan á leik barnanna stendur og greina hversu mikil áhrif börnin sjálf hafa á leikinn. Skoðuð var þátttaka og virkni starfsmanna á leiksvæðum og leitað eftir viðhorfum barnanna til leikskólastarfsins. Niðurstöður voru nýttar til að auka ábyrgð og lýðræðislega þátttöku barnanna í daglegu starfi