Vegatollar. Valdmörk og valdframsal ráðherra við álagningu veggjalda á íslenskum þjóðvegum.

Meginviðfangsefni þessa BA verkefnis er umfjöllun um þau lagalegu álitaefni er snúa að heimild ráðherra samgöngumála til að leggja á veggjöld á íslenskum þjóðvegum og því velt upp hvort ráðherra samgöngumála hafi heimildir til að að ákveða upp á sitt einsdæmi hvort taka eigi upp veggjöld fyrir notkun á þjóðvegum landsins, sem í grunninn eru í almannaeign. Verður það sérstaklega skoðað með það til hliðsjónar hvort veggjöld séu þjónustugjöld eða skattlagning. Varpað verður ljósi á vegalögin í sögulegu samhengi sem og hvaða breytingar lög nr. 14/2015 um breytingu á vegalögum nr. 80/2007, er innleiddu m.a. EES tilskipanir nr. 2006/38/EB og 1999/62/EB, höfðu á valdmörk ráðherra samgöngumála við innleiðingu almennra veggjalda. Þá verður einnig farið inn á hvað almennt gildir um valdmörk og valdframsal stjórnvalda og það sett í Norrænt samhengi. Þá er sérstaklega fjallað um veggjöld í Noregi og Danmörku og á hvaða lagagrundvelli þau eru byggð á