Hvernig má efla læsi unglinga með markvissum vinnubrögðum

Í aðalnámskrá og sérstakri læsisstefnu stjórnvalda er lögð áhersla á mikilvægi læsis. Lestur og lesskilningur er ein mikilvægasta færni fólks í nútímasamfélagi og undirstaða annarar færni, svo sem læsis í víðum skilningi. Niðurstöður rannsókna sýna að börn og unglingar lesa minna núna en áður með þeim afleiðingum að lesskilningi fer hrakandi. Í þessu verkefni er farið yfir það sem vitað er um stöðu læsis og lesskilnings meðal unglinga og reynt að greina ástæður, en meginatriðið er að kanna hvernig skólar geta brugðist við til að efla lestur og læsi unglinga. Fjallað er um undirstöðuþætti læsis og hvaða þættir hafa áhrif á lestur og lestraráhuga þegar sjálfu lestrarnáminu sleppir. Grundvallaratriði er að börn og unglingar hafi áhuga á að lesa. Til þess þurfa þau að hafa náð tökum á lestrarfærninni og til lengri tíma þarf að vera kostur á fjölbreyttu lesefni. Kennari þarf að skipuleggja tímann í skólanum markvisst í þágu læsis og beita fjölbreyttum og markvissum aðferðum sem höfða til ólíkra áhugamála beggja kynja en gæta þess að nemendur hafi alltaf frjálsar hendur upp að vissu marki