Fjölskylda. Sagnasveifur

Íslendingar eru fámenn þjóð. Samfélagið er lítið. Við erum fá. Við erum á sömu lífsins leið, mislangt á veg komin. Margar leiðir liggja saman. Um tíma. Aðrar leiðir liggja í kross, án þess að ferðalangarnir gefi því gaum. Aftur og aftur. Alla ævi. Flestir tengjast blóðböndum, mismiklum. Sumir án þess að vita það. Þeir vita jafnvel ekki að þeir ættu að vita það. Sagnasveifurinn Fjölskylda er samsettur úr sjö smásögum. Sögurnar eru sjálfstæðar svipmyndir af einstaklingum sem tilheyra sömu fjölskyldu og raðast saman í heild. Aðalpersónurnar eru sjö og hver þeirra á sína sögu. Sögurnar eru í tímaröð og aðalpersónurnar koma fyrir oftar ein einu sinni þar sem leiðir þeirra mætast, liggja samhliða eða í kross. Aðalpersónurnar eru einu nafngreindu einstaklingarnir í sagnasveifnum og koma bæði fyrir sem börn og fullorðnir. Sveifurinn varpar ljósi á æskuárin og á það hvernig einstaklingurinn getur haft áhrif á líf annarra. Hvernig lífsins leiðir ráðast af hendingum