Áhrif afnáms verðtryggingar

Verkefni þetta fjallar um áhrif afnáms verðtryggingar og skuldaþróun heimila á Íslandi. Verðtrygging hefur mikil áhrif á íslenska lánþega og þeir sem keypt hafa húsnæði greiða af lánum sínum án þess að höfuðstóll lána lækki, jafnvel í langan tíma eða árum saman. Rakin er saga verðtryggingar á Íslandi og hvað breyttist með tilkomu hennar. Gerð er greinagóð úttekt á áhrifum verðtryggingar á skuldaþróun heimila og hvaða breytingar afnám verðtryggingar myndi hafa á skuldir og greiðslubyrði almennings. Tilgangurinn er að vekja athygli á hversu sérstæð verðtrygging lána er hér á landi ásamt því að auka þekkingu og vitund á verðtryggingu lána. Verkefnið nýtist fyrst og fremst þeim sem skulda og þurfa að greiða af verðtryggðum lánum og hafa hagsmuna að gæta varðandi verðtryggingu lána, ásamt þeim sem sýna efninu áhuga. Niðurstaðan sýnir fram á hvort það sé hagkvæmt fyrir lánþega að afnema verðtryggingu eða ekki. Spurningar eins og hver yrðu áhrif afnáms verðtryggingar á afborganir, vexti, niðurgreiðslu höfuðstóls af íbúðalánum ætti að vera svarað eftir lestur verkefnisins