Mikilvægi íþróttastarfs á Íslandi: Hefur greiðsluþátttaka hins opinbera áhrif á íþróttaiðkun?

Íþróttir efla heilbrigði með því að skapa fólki félagslegar, menningalegar og efnahagslegar aðstæður og umhverfi sem gera einstaklingum og samfélagi kleift að efla hreysti, vitund og vilja til að viðhalda heilbrigði. Íþróttir geta dregið úr einkennum sjúkdóma og komið í veg fyrir þá. Rannsóknir á efnahagslegum áhrifum íþrótta hafa leitt í ljós að þær skila jákvæðum ytri áhrifum og að mikilvægt sé fyrir hið opinbera að styðja við íþróttir í fámennum þjóðfélögum. Markmið þessarar rannsóknar er að skoða hvort rök séu fyrir því að hið opinbera styðji við íþróttastarfsemi í landinu og einnig að kanna hvort það sé fylgni á milli útgjalda hins opinber og íþróttaiðkunar. Notast var við tölur frá Íþrótta- og Ólympíusambandi Íslands um iðkendafjölda í íþróttum, útgjöld ríkis til íþróttamála fengust frá fjármála- og efnahagsráðuneytinu og útgjöld sveitarfélaga fengust frá Hagstofu Íslands. Niðurstöður greiningarinnar leiddu í ljós að 1% aukning í útgjöldum sveitarfélaga til íþróttamála leiddu til 0,43% aukningar í íþróttaiðkun en að neikvætt samband var á milli aukinna útgjalda ríkis og íþróttaiðkunar